Í Hósvík er ein stovnur við námsfrøðiligum, kreativum og kveikjandi upplivingum. Trivnaður, “grønur” kreativitetur og menning er okkara fakligheit og styrki. Á stovninum er góð hølisviðurskifti og uttanum øki er fantastiskt.
Vit hava tørv á:
Einum námsfrøðingi ella hjálparfólki.
Arbeiðstíðin er 30-35 tímar um vikuna á barnagarðsstovu ella frítíðarskúla. Hevur tú ynski um ávíst tímatal, lat okkum frætta, so finna vit fram til eina felags loysn.
Vit ynskja enn fleiri starvsfólk ið:
eru ágrýtin og hava hug og evnið til at skapa ein fjølbroyttan, mennandi og tryggan gerandisdag fyri einstaka barnið og hópin
megna at arbeiða sjálvstøðugt, taka ábyrgd og avgerðir
hava góð samstarvs- og samskiftisevni og megna at virka fyri góðum samstarvi við foreldur, børn, starvsfelagar og leiðslu
eru nærverandi og fyrikomandi
eru fleksibul í mun til kjarnu uppgávuna
Á stovninum er spæl, látur, kreativitetur, umsorgan og nærvera okkara dagligdagur. Vit brúka náttúruna, endurnýtslu, bygdina, sandin og hagan, sum okkara felags triðja. Harumframt brúka vit fimleikahøllina og svimjihylin á Oyrabakka hvørja viku.
Námsfrøðilig fyrireikingartíð er løgd inn í okkara arbeiðsskema, umframt at vit arbeiða í smáum barnabólkum og vit tillaga okkara arbeiði eftir tørvi.
Á stovninum starvast í løtuni 6 námsfrøðingar og 5 hjálparfólk. Ein blandaður hópur av fittum og dugnaligum starvsfólkum. Vit eru opin fyri nýggjum hugsanum og trívast best, tá gerandisdagurin er væl litaður við alskyns fjølbroyttum litum og áhugaverdum avbjóðingum.
Setanarviðurskifti
Starvi verður sett sambært sáttmála millum Føroya Pedagogfelag og Kommunala Arbeiðsgevarafelagið.
Starvsbyrjan 6. Januar 2025 ella eftir nærri avtalu.
Sambart §2 í barnaváttanarlógini hevur Sunda kommuna skyldu at fáa barnaváttan til vega, áðrenn umsøkjari verður settur í starv.
Um skikkaður námsfrøðingur ikki verður settur, kann hjálparfólk setast í tíðaravmarkað starv
Umsókn
Umsóknin skal, saman við prógvi, CV og viðmælum, verða Dagstovninum við Stórheygg í hendi í seinasta lagi 9. desember 2024.
Dagstovnurin við Stórheygg
Áarvegur 3
420 Hósvík
storheygg@sunda.fo
Hevur tú spurningar til starvið, kanst tú venda tær til Jónu Guttesen, stovnsleiðara, á telefon 297255 ella vitja heimasíðu okkara storheygg.fo
Námsfrøðingur til Dagstovnin við Stórheygg í Hósvík
Hevur tú eitt brennandi ynski at arbeiða við børnum 0-10 ár? So er tað kanska tær vit leita eftir.
Vit eru ein lítil, heitur stovnur mitt í bygdini í Hósvík, við tveimum vøggustovum, eini barnagarðsstovu og eini frítíðarstovu. Uttanfyri liggur helst besti garður í heiminum. Ein garður, sum samstundis er hagi við eini á rennandi á mitt ígjøgnum. Fjøran liggur beint niðanfyri og elska vit at brúka hesar náttúruperlur í gerandisdegi okkara saman við børnunum.
Á stovninum starvast í løtuni 6 námsfrøðingar og 6 hjálparfólk. Ein blandaður hópur av fittum og dugnaligum starvsfólkum. Vit eru opin fyri nýggjum hugsanum og trívast best, tá gerandisdagurin er væl litaður við alskyns fjølbroyttum litum og áhugaverdum avbjóðingum.
Her er altíð pláss fyri dugnaligum námsfrøðingum. Kom og vitja, ring ella send okkum ein mail, so hyggja vit eftir hvussu, nær og hvar tú kundi starvast.
Er hetta nakað fyri teg? Skunda tær at seta teg í samband við okkum.
Hevur tú spurningar, ring til , Jónu leiðara, á telefon 297255
Vit gleða okkum til at frætta frá tær!
Dagstovnurin við Stórheygg
Áarvegur 3
Hósvík
storheygg@sunda.fo
Setanarviðurskifti eru sambært sáttmála millum Føroya Pedagogfelag og Kommunala Arbeiðsgevarafelagið.