Søkt verður eftir einum feriuavloysara til vøggustovuna.

Í fyrsta umfari hava vit tørv á avloysara, at starvast frá týsdegnum 2. mars til og við hósdagin 12. mars 2026.

Tú kemur at starvast saman við einum væl skipaðum og stuðlandi starvsfólkahópi.

Meira fæst at vita um starvið við, at tosa við Jónu Guttesen, leiðara, á tlf. 297255.

Setanarviðurskifti eru sambært sáttmála millum Føroya Pedagogfelag og Kommunala Arbeiðsgevarafelagið.

Sambært §2 í Barnaváttanarlógini hava vit sum stovnur skyldu at útvega eina barnaváttan, tá vit seta fólk í starv.

Send okkum eina umsókn skjótast gjørligt á: jona@sunda.fo

Námsfrøðingur til Dagstovnin við Stórheygg í Hósvík
 
Hevur tú eitt ynski at arbeiða við børnum 0-10 ár? So er tað kanska tær vit leita eftir.

Í Hósvík er ein stovnur við námsfrøðiligum, kreativum og kveikjandi upplivingum. Trivnaður, “grønur” kreativitetur og menning er okkara fakligheit og styrki. Á stovninum er góð hølisviðurskifti og uttanum øki er fantastiskt.
 
Vit eru ein lítil, heitur stovnur mitt í bygdini, við tveimum vøggustovum, eini barnagarðsstovu og eini frítíðarstovu. Uttanfyri liggur helst besti garður í heiminum. Ein garður, sum samstundis er hagi við eini á rennandi á mitt ígjøgnum. Sandurin liggur beint niðanfyri og elska vit at brúka hesar náttúruperlur í gerandisdegi okkara saman við børnunum.
 
Á stovninum starvast í løtuni 6 námsfrøðingar og 6 hjálparfólk. Ein blandaður hópur av fittum og dugnaligum starvsfólkum. Vit eru opin fyri nýggjum hugsanum og trívast best, tá gerandisdagurin er væl litaður við alskyns fjølbroyttum litum og áhugaverdum avbjóðingum.
 

Námsfrøðilig fyrireikingartíð er løgd inn í okkara arbeiðsskema, umframt at vit arbeiða í smáum barnabólkum og vit tillaga okkara arbeiði eftir tørvi.

 
Her er altíð pláss fyri dugnaligum námsfrøðingum. Kom og vitja, ring ella send okkum ein mail, so hyggja vit eftir hvussu, nær og hvar tú kundi starvast. 

 
Er hetta nakað fyri teg? Skunda tær at seta teg í samband við okkum. 
Hevur tú spurningar, ring til , Jónu leiðara, á telefon 297255

 
Vit gleða okkum til at frætta frá tær!
 
Dagstovnurin við Stórheygg
Áarvegur 3
Hósvík
jona@sunda.fo
 
Setanarviðurskifti eru sambært sáttmála millum Føroya Pedagogfelag og Kommunala Arbeiðsgevarafelagið.